Avropada əksər səyyahlar yalnız bəzi ən məşhur istiqamətləri, məsələn Paris, Barselona və ya Venediki seçirlər. Və buna görə də bəzən daha maraqlı yerlər belə onların diqqətindən kənarda qalır.

HİT.az xəbər verir ki, keçmiş kruyz lainerinin kapitanı Niko Berq karyerası ərzində çoxlu turizm mərkəzlərində olub. O, hesab edir ki, Avropanın incilərindən biri hələ də yetərincə qiymətləndirilməyib. Onun fikrincə, Avropada "ziyarət ediləcək ən yaxşı yerlərdən" biri İtaliyada, Yunanıstanda və ya İspaniyada deyil, Almaniyadadır.

Onun fikrincə, imkanı olan hər turist həyatında heç olmasa bir dəfə Hamburq şəhərini ziyarət etməlidir. Yük və sərnişin gəmilərində işini xatırlayan Niko, Çexiya və Almaniyanın mənzərəli bölgələrindən axan geniş Elba çayı üzərində səfərləri xoş xatirələrlə xatırlayır.

"Səhər tezdən Elba çayı yuxarı istiqamətdə səyahət edib Hamburq limanına girməkdən daha xoş bir şey yoxdur. Yay aylarında gəmi limanın iskələ əyriliyinin qabağında dayananda, günəş adətən tarixi Müqəddəs Mixail kilsəsinin arxasından doğur və mənzərə sadəcə heyrətamizdir. Baxmayaraq ki, mən, dənizçi kimi, bütün dünyada özümü evimdə hiss edirəm, Hamburq həmişə mənə evə qayıdış hissi verir. Gəmimiz Hamburq limanından çıxanda turistlər Elbanın kənarında dayanıb bizə həyəcanla əl yelləyirlər", deyə Niko xatırlayır.

O, Hamburqa gələn qonaqlara "Anbarlar Şəhəri" mənasını verən Şpayserştat (Speicherstadt) məhəlləsini ziyarət etməyi məsləhət görür. Bu, dünyanın ən böyük sənaye bölgələrindən biridir, onun özəlliyi isə kütləvi binaların arasından keçən geniş kanal sistemidir.

Burada bir sıra muzeylər, o cümlədən Hamburq Zindanı və Dəmir Yolu Modeli yerləşir. Hamburqun ziyarətçiləri qaldıqları müddətdə bir sıra tarixi yerlərdən zövq ala bilərlər.

Şpayserştatdan əlavə, ziyarətçilər 1911-ci ildə açılmış Elba Tunelini də görə bilərlər. Unikal tunel çayın altında, 24 metr dərinlikdə çəkilib.

Hamburqun bir başqa maraqlı yeri isə 1703-cü ildə ilk dəfə açılmış şəhərin tarixi balıq bazarıdır. Bu gün burada təkcə balıq deyil, həm də meyvə, geyim, suvenirlər və digər mallar satılır.

Daha müasir əyləncələr axtaranlar üçün isə Elb Filarmoniyasının konsert salonu var. Bu, həm turistlərin, həm də yerli sakinlərin ən məşhur istirahət yerlərindən biridir.

Samir