Avropa İttifaqı Moldovanın birliyə qəbulunu sürətləndirmək imkanını nəzərdən keçirir ki, bu da ona Ukraynanı ötməyə imkan verəcək.

HİT.az xəbər verir ki, bu barədə “Politico” mənbələrə istinadən yazır.

“Aİ nümayəndələrinin öyrəndiyi ssenariyə əsasən, Avropa ölkələri sentyabrın əvvəlində Moldova üçün ilk “danışıqlar klasteri”nin açılması üçün səs verəcək”, deyə məlumatda qeyd edilir.

Qeyd edilir ki, bu, Kişinyova Avropa İttifaqına daxil olmaq məsələsində irəliləməyə imkan verəcək, lakin bu, Ukraynada müəyyən qıcıq yarada bilər. Mühüm amil Ukraynanın Aİ-yə müraciətinin Macarıstan tərəfindən əngəllənməsidir ki, bu da ölkənin Avropa Birliyinə mümkün qəbulunu gecikdirir.

Bu yaxınlarda Belarus prezidenti Aleksandr Lukaşenko Moldovanın keçmiş prezidenti və Sosialist Partiyasının sədri İqor Dodonla görüşdə ölkəni Avropa İttifaqına daxil olmağa tələsməməyə çağırıb, çünki orada heç kim bunu gözləmir.

Bundan əvvəl Rusiya baş nazirinin müavini Aleksandr Novak bildirib ki, Rusiya Moldova ilə yüz illərlə olan əlaqələri qoruyub saxlamaq və inkişaf etdirmək öhdəliyinə sadiqdir. Onun sözlərinə görə, Rusiya tərəfi Moldova nümayəndələrini müxtəlif məkanlarda görməkdən həmişə şaddır, ölkələr arasında regionlararası əlaqələrin inkişafını, siyasi partiyalar, ictimai birliklər və idarələrarası əməkdaşlığı dəyərləndirir və tənzimləyir.

Samir