Donald Tramp bildirib ki, ABŞ Ukrayna Rusiya ilə sülh məsələsində razılığa gələ bilsə, Avropanın təhlükəsizliyinə zəmanət verməyə kömək edəcək və Volodimir Zelenski ilə Vladimir Putin arasında görüş təşkil edəcəyinə söz verib. 

HİT.az-ın məlumatına görə, "Financial Times" yazır ki, o, ərazi güzəşti məsələsini müzakirə etməyib, bunu Ukrayna ilə Rusiya arasında şəxsi məsələ adlandırıb.

Məqalədə deyilir ki, ABŞ prezidentinin bəyanatları bazar ertəsi danışıqlarda mümkün nizamlanmanın ən mübahisəli detalları, o cümlədən Putinin Ukraynanın mövcud cəbhə xəttinin qalan hissəsinin dondurulması müqabilində Rusiyaya daha çox ərazi verməsi təklifi üzrə razılığın əldə olunduğunu göstərməyib.

"Vaşinqtona səfər edən nümayəndə heyətinin tərkibində olan avropalı rəsmi bildirib ki, ərazi məsələləri müzakirə olunmayıb. Rəsmi şəxsin sözlərinə görə, otaqda olan avropalılar Trampın "Bu, mənim işim deyil, bu, Ukraynanın işidir" sözlərindən razı qalıblar", deyə nəşr yazır.

Rəsminin qeyd etdiyi kimi, Tramp Putinin müharibəni bitirməkdən yayınmağa davam edəcəyi təqdirdə Rusiya iqtisadiyyatına qarşı sanksiyalar tətbiq edəcəyi ilə bağlı yeni təhdidlər səsləndirməsə də, avropalı rəsmi bildirib ki, onların fikrincə, onlar ABŞ prezidentini Alyaska sammitindən əvvəl olduğu yerə qaytarıblar.

Eyni zamanda, Tramp Zelenski və Putinlə üçtərəfli zirvə görüşünü elan etməyə ümid etsə də, sonda o, ilk olaraq hələ müəyyən edilməmiş yerdə digər iki liderin görüşünü təşkil etməyi təklif edib:

"Bu görüş baş tutandan sonra biz üçtərəfli görüş keçirəcəyik, bu görüşə iki prezidentin və mənim də qatılacağıq. Yenə də demək olar ki, dörd ilə yaxındır davam edən müharibə üçün bu, çox yaxşı ilk addımdır".

Tramp bildirib ki, Ukrayna ilə danışıqlarda daha fəal iştirak edən ABŞ-ın vitse-prezidenti Cey Di Vens, dövlət katibi Marko Rubio və xüsusi nümayəndə Stiv Uitkoff Zelenski ilə Putin arasında görüş təşkil etmək vəzifəsini öz üzərinə götürəcək.

Samir