Respublikaçılar ABŞ prezidenti Donald Trampa ABŞ-a təhlükəsizlik zəmanətlərinin hazırlanmasında iştirakına icazə verdikdən sonra ölkəsini Ukraynada hərbi münaqişəyə sürükləməməsi üçün təzyiq edirlər. 

HİT.az xəbər verir ki, bu barədə "The Hill" məlumat yayıb.

Məlum olduğu kimi, Tramp ABŞ-ın Ukraynaya qoşun yeritməyəcəyini bildirsə də, amerikalı pilotlar və təyyarələrdən istifadə etməklə hava dəstəyinin verilməsi ideyasını irəli sürüb.

Məqalədə deyilir ki, bu, həmçinin xüsusi nümayəndə Stiv Uitkoffun ABŞ-ın “5-ci maddə kimi müdafiədə” mümkün iştirakı ilə bağlı bəyanatı “öncə Amerika” ideologiyasının tərəfdarları arasında təşviş yaradıb.

Respublikaçılar ABŞ-ı uzun sürən münaqişələrə və ya “sonu olmayan müharibələrə” sürükləməmək üçün MAGA (“Amerikanı yenidən möhtəşəm et”) prinsipinə istinad edərək Trampı “həddindən artıq uzağa getməməyə” xəbərdar edir.

"Öhdəliklərin nə olduğunu görməliyəm. Biz başqa müharibə istəmirik. Bu ölkədəki insanlar təsəvvür edə bilməzlər ki, Yaxın Şərqdə 20 illik müharibədən sonra biz başqa bir müharibəyə qarışacağıq. Mən bilirəm ki, prezident bunu istəmir, amma biz yenidən döyüşmək və həyatlarını itirmək istəmirik", deyə MAGA-nın tanınmış tərəfdarı, respublikaçı senator Tommi Tuberville (Alabama) jurnalistlərə bildirib.

Seçiciləri belə bir mövqeyə inandırmaq nə qədər çətin olacaq sualına o, açıq şəkildə cavab verib ki, satmaq mümkün olmayacaq:

"Amerikalılar bunu etməyəcək, mən sizə dərhal deyəcəm. Alabama ştatındakı insanlar buna tamamilə qarşı olacaqlar. Mən bilirəm ki, prezident Tramp düzgün iş görməyə çalışır, lakin Avropadakı insanlar bunun üçün məsuliyyəti öz üzərinə götürməlidir".

"Fox & Friends"ə telefonla müsahibə verən Tramp, razılaşmanın şərtlərinə görə Amerika qoşunlarının Ukraynada olmayacağına zəmanət verə biləcəyini soruşduqda tərəfdarlarını sakitləşdirməyə çalışıb.

“Yaxşı, mənim zəmanətim var, mən də prezidentəm” deyən o, bunu ABŞ əvəzinə Fransa, Almaniya və Böyük Britaniyanın edə biləcəyini deyib.

Ağ Evin keçmiş strateqi və Trampın müttəfiqi Stiv Bannon da bu fikri təkrarlayıb. "İndi hər şey Amerika pulu, Amerika silahları üzərində qurulub və indi Amerikanın iştirakını istəyirlər" deyən o, radio verilişində deyib və əlavə edib ki, Avropa liderlərinə bu məsələdə etibar etmək olmaz.

Bannon həmçinin bildirib ki, Amerika Ukraynadakı müharibədə “dərin iştirak”a cəlb olunmağa çalışır: "Bunlar tələlərdir. Dünya müharibələri regional münaqişələrdən belə başlayır".

Samir