İsveçrənin texnologiya sənayesi gəlirlərini itirir və güclü milli valyuta, zəif tələb və ABŞ tariflərinin tətbiqi fonunda işçilərini ixtisar etmək niyyətindədir. 

HİT.az xəbər verir ki, bu barədə İsveçrənin mexaniki, elektrik və metallurgiya sənayesinin əsas assosiasiyası olan "Swissmem"in bəyanatında deyilir.

İsveçrə texnologiya sənayesində vəziyyət 2025-ci ilin birinci yarısında xeyli pisləşib. Ötən ilin eyni dövrü ilə müqayisədə satışlar 2,5%, sifarişlərin həcmi 2,3%, malların ixracı isə 0,9% azalıb. Assosiasiyadan bildiriblər ki, ikinci rübdə sifarişlərin həcmi 13,4% azalıb.

Bu azalma ABŞ tariflərinin tətbiqindən əvvəl baş verib. Qarşıdakı aylarda biz vəziyyəti daha da pisləşdirəcək sifarişlərin həcminin azalmasının sürətlə davam edəcəyini gözləməliyik. "Swissmem" Federal Şura və İsveçrə Parlamentini ixrac iqtisadiyyatı üçün çərçivə şərtlərini yaxşılaşdırmaq və iş yerlərini qorumaq üçün sürətli tədbirlər görməyə çağırır.

Ölkədəki bir çox şirkət işçilərin ixtisarı (38%), istehsalın Aİ-yə ötürülməsi (31%) və ya daha qısa iş saatına keçid (28%) kimi radikal tədbirlər planlaşdırır. Texnologiya sektorunda 324,6 min nəfər olan işçilərin sayı artıq 3,1 min nəfər azalıb.

"Biz incə vəziyyətdəyik. Bir çox şirkət istehsalı optimallaşdırmağa və köçürməyə hazırlaşır. İşdən çıxarmalar qaçılmazdır. Onların sayı siyasətçilərin 39 faizlik ABŞ tarifini nə qədər tez endirə biləcəyindən asılıdır. İsveçrədə sənaye xərclərini azaltmaq tamamilə zəruridir", deyə İsveçrənin prezidenti Martin Hirzel bildirib.

Samir