ABŞ-ın sanksiyasına məruz qalan Rusiya ixracat obyektindən mayeləşdirilmiş təbii qaz (LNG) daşıyan tanker ilk dəfə olaraq Çinə yanaşıb.

HİT.az bu barədə "Bloomberg"ə istinadən xəbər verir. 

İzləmə məlumatlarına görə, Rusiyanın şimalında qara siyahıya salınmış Arctic LNG 2 zavodundan yanacaq daşıyan "Arctic Mulan" Çinin Beihai şəhərindəki LNG terminalına yanaşıb.

"Arctic LNG 2" layihəsi ABŞ prezidenti Co Baydenin rəhbərliyi altında sanksiyaya məruz qalıb və keçən il kölgə donanması adlanan bir donanmada yanacaq ixrac etməyə başlayıb. Bununla belə, alıcılar ABŞ-ın cavabından qorxduğu üçün əvvəllər heç bir belə tanker idxal terminallarına daxil olmayıb.

Novatek PJSC-nin rəhbərlik etdiyi "Arctic LNG 2" Rusiyanın 2030-cu ilə qədər LNG ixracını üç dəfə artırmaq planlarında əsas rol oynayır. Beləliklə, Rusiya Avropadan ənənəvi alıcılara boru kəməri tədarükünün kəskin azalmasından sonra yeni bazarlara daxil olmağa çalışır.

Rusiyadan neft idxalı ilə bağlı Hindistana təzyiq etməklə yanaşı, ABŞ indiyədək Rusiyadan LNG alıcılarına məhdudiyyətləri sərtləşdirməkdən çəkinib. Səbəb Vaşinqtonun Ukraynada atəşkəs razılaşmasının əldə olunmasına yardım etmək istəyindədir.

ABŞ prezidenti Donald Tramp avqustda Vladimir Putinlə şəxsi danışıqlarının “son dərəcə məhsuldar” olduğunu bildirib.

Samir