Roma Papası XIV Leo Qəzza zolağında döyüşləri dayandırmağa çağırıb. 

HİT.az xəbər verir ki, o, İsrail və HƏMAS-ın adını çəkmədən oradakı vəziyyəti onun sakinlərinin “kollektiv cəzası” adlandırıb.

“Müqəddəs Torpaqda bu qədər dəhşət, dağıntı və ölümə səbəb olan münaqişəyə son qoyulması üçün təcili müraciətimi təzələyirəm. Mən bütün girovların azad edilməsinə, daimi atəşkəsə, humanitar yardımın təhlükəsiz çatdırılmasına və beynəlxalq humanitar hüquqa tam hörmət etməyə çağırıram", deyə XIV Leo Papa bildirib.

O, mülki əhalinin müdafiəsi məsuliyyətini, kollektiv cəzanın qadağan edilməsini, ayrı-seçkilik olmadan güc tətbiqini və əhalinin məcburi köçkünlüyünü xatırladıb.

Bu ilin mayında yeni papa olduqdan sonra XIV Leo dəfələrlə Qəzzada müharibənin dayandırılmasını tələb edib. İyul ayında o, Qəzzada döyüşlərə və “müharibə vəhşiliyinə” son qoymağa çağırıb. KİV-in məlumatına görə, XIV Leonun budəfəki müraciəti Zolaqda kütləvi aclıq haqqında məlumatların sayının artması və İsrail ordusunun hücumunun yeni mərhələsi ilə bağlı ola bilər. Avqustun 22-də BMT Qəzza zolağında vəziyyətin öz miqyasında “fəlakətli aclıq” kimi təsvir edilə biləcəyini bəyan edib.

Samir