"Ukraynaya təhlükəsizlik zəmanətləri ilə bağlı Avropa ölkələrindən aydın cavablar lazımdır". 

HİT.az xəbər verir ki, bunu Ukrayna prezidenti Volodimir Zelenski deyib.

O, Polşa, Estoniya, Latviya və Litva liderləri ilə virtual görüşdə deyib: 

"Və siz konkret olaraq necə iştirak edə bilərsiniz? Sizdən öz rolunuzu müəyyənləşdirməyinizi xahiş edirəm".

Zelenskinin sözlərinə görə, Kiyevin Ukraynanın təhlükəsizliyi ilə bağlı aydın cavablara ehtiyacı var.

Avropa liderləri Ukrayna və Rusiyanın mövqeləri arasında təxminən 40 km dərinlikdə bufer zona yaratmaq imkanını nəzərdən keçirirlər. Təşəbbüs Avropa səviyyəsində müzakirə olunur, Moskva isə analoji zonaların yaradılması ilə bağlı öz planlarını açıqlayıb. Kiyevdə bu cür təkliflər Rusiyanın işğal olunmuş ərazilər üzərində nəzarətini möhkəmləndirmək cəhdi kimi qəbul edilir. 

"Politico" qeyd edir ki, ABŞ müzakirədən uzaqlaşır. Vaşinqton quru qoşunlarının göndərilməsini istisna edir və kəşfiyyat məlumatlarının verilməsi ilə məhdudlaşmağa hazırdır.

Samir