"NATO Avropanın əsassız hərbiləşdirilməsini davam etdirir, ittifaq Bolqarıstana çatıb". 

HİT.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

O xatırladıb ki, avqustun 13-də Bolqarıstan Nazirlər Şurası İtaliya ilə müdafiə sahəsində əməkdaşlığa, o cümlədən Kabile qəsəbəsi ərazisində hərbi obyektlərin tikintisinə dair hökumətlərarası saziş layihəsini təsdiqləyib.

"Bu, bir daha təsdiqləyir ki, NATO Avropa qitəsinin təcavüzkar, əsassız hərbiləşdirilməsi xəttini davam etdirir", deyə Zaxarova bildirib.

Bundan əvvəl İraq və Əfqanıstandakı Amerika qoşunlarının keçmiş komandanı, general Devid Petreus NATO qoşunlarının Ukraynadakı cəbhə xəttinə göndərilməsini təklif edib. Onun fikrincə, belə bir hərəkət Kiyev üçün təhlükəsizliyin ən inandırıcı təminatıdır.

Avqustun 28-də “Financial Times” mənbəyə istinadən yazıb ki, ABŞ Ukrayna münaqişəsinin həllindən sonra Kiyev üçün təhlükəsizlik zəmanətləri ilə bağlı mövqeyinə yenidən baxıb və onların həyata keçirilməsində daha fəal iştirak etməyə hazırdır.

Samir