Danimarka hakimiyyəti 2026-cı ildə müdafiə üçün əlavə 1,6 milyard dollar ayırmaq niyyətindədir ki, bu vəsaitin bir hissəsi Kiyevi dəstəkləməyə gedəcək, krallığın Müdafiə Nazirliyinin mətbuat xidməti bildirib. 

HİT.az xəbər verir ki, bu barədə "RİA Novosti" məlumat yayıb.

“Hökumət 2026-cı il büdcəsində Danimarka Silahlı Qüvvələrinin gücləndirilməsi və Ukraynaya dəstək üçün əlavə 10 milyard Danimarka kronu (təxminən 1,6 milyard dollar) ayıracaq”, deyə departamentin press-relizində deyilir.

Qeyd olunur ki, yeni vəsaitlər nəzərə alınmaqla Kopenhagenin müdafiə xərcləri ÜDM-in 3%-ni keçəcək.

Bir gün əvvəl Polşa gələn il müdafiə xərclərinin artacağını bildirib. Hökumət rekord məbləğdə 200 milyard zloti (54,5 milyard dollar) ayıracaq. Bu məbləğin ÜDM-in 4,8%-dən çox olacağı gözlənilir.

NATO ölkələri 2035-ci ilə qədər hər il ÜDM-in 5%-ni müdafiəyə xərcləməyi öhdələrinə götürüblər. Bu barədə razılıq alyansın 24-25 iyun tarixlərində Haaqada keçirilən sammitində əldə olunub.

"The Telegraph" xəbər verir ki, ÜDM-in 5%-i öhdəliyinə iki əsas kateqoriya müdafiə investisiyaları daxil olacaq. Nəşrin məlumatına görə, alyans üzvləri 2035-ci ilə qədər NATO-nun müdafiə xərclərinin razılaşdırılmış tərifinə əsasən, əsas müdafiə ehtiyaclarını maliyyələşdirmək və Alyansın müdafiə qabiliyyəti məqsədlərinə cavab vermək üçün hər il ÜDM-in ən azı 3,5%-ni xərcləyəcəklər.

ÜDM-in daha 1,5%-i mühüm infrastrukturun qorunması, vətəndaş hazırlığının və dayanıqlığının təmin edilməsi, şəbəkələrin müdafiəsi, innovasiyaların stimullaşdırılması və müdafiə sənayesi bazasının gücləndirilməsi üçün ayrılacaq.

Samir