Avropa Komissiyası Kalininqrada gedən Rusiya qatarlarına nəzarət etmək üçün Litvaya əlavə vəsait ayırmaq niyyətindədir. 

HİT.az xəbər verir ki, bu barədə "DRM News" "YouTube" kanalında yayımlanan mətbuat konfransı zamanı AK rəhbəri Ursula fon der Leyen bildirib.

"Avropa Komissiyası Litvaya daimi təzyiqin öhdəsindən gəlməyə kömək etmək üçün artıq çox işlər görüb və maliyyələşdirməni artırmağa davam edir", deyə fon der Leyen bildirib.

O qeyd edib ki, belə bir qatarın Rusiyanın əsas ərazisindən Kalininqrada Litva ərazisindən keçdiyini görüb. Eyni zamanda, AK rəhbəri əlavə edib ki, bu, təəccüblü deyil, çünki Rusiyadan Kalininqrada müntəzəm olaraq qatarlar hərəkət edir.

Bundan əlavə, Avropa Komissiyası indi Litvanı və Rusiya ilə həmsərhəd olan digər Avropa dövlətlərini rəsmi olaraq cəbhə xətti adlandırır. Ümumilikdə, AK Litvanın casusluğa qarşı mübarizə üçün 327 milyon avro ayırıb.

Martın 1-dən Litva hökuməti ruslara Kiana və Kirbatay sərhəd keçidlərində tranzit qatarlardan enməyi qadağan edib. Bu tədbirlər Kalininqrad vilayətinə gedib-gələn qatarlara şamil ediləcək.

Samir