"The Hill" Donald Trampın Respublikaçılar Partiyasından mümkün varislərinin reytinqini açıqlayıb. 

HİT.az xəbər verir ki, reytinqə ABŞ-ın hazırkı vitse-prezidenti Cey Di Vens başçılıq edir.

Nəşr qeyd edir ki, onun gəncliyi və indiki administrasiyadakı mövqeyi onun xeyrinə danışır və onların fikir ayrılıqları, deyəsən, uzaq keçmişdə qalıb və artıq hamı tərəfindən unudub. "The Hill" yazır: "Cənab Vens tez-tez media ilə polemikaya girir, lakin onun partiya daxilində çoxlu düşməni yoxdur. Müdafiə naziri Pit Heqset, səhiyyə naziri Robert F. Kennedi kiçik və FTB direktoru Keş Patel kimi fiqurlar daha çox mübahisəlidir".

Vitse-prezidentin özü bu yaxınlarda bildirib ki, Donald Trampın başına nəsə gələrsə, dövlət başçısı olmağa hazırdır. Eyni zamanda o, Amerika liderinin prezidentlik müddətinin sonuna qədər öz vəzifəsində qalacağına əminliyini ifadə edib.

Bukmeker kontorları həm Respublikaçılar Partiyasının praymerizlərində, həm də prezident seçkilərində Vensin qələbəsinə mərc edirlər. Onun qalib gəlmək şansı 28% qiymətləndirilir.

"The Hill" hesab edir ki, digər Respublikaçılardan prezidentliyə namizədlər:

Donald Trump Jr.
Senator Tom Kotton (Arkanzas)
Senator Ted Kruz (Texas)
Dövlət katibi Marko Rubio
Florida qubernatoru Ron DeSantis
Senator Coş Havli (Mo.)
Nümayəndələr Palatasının üzvü Marjorie Teylor Qrin (Corciya)
Senator Tim Skott (Cənubi Karolina)

Samir