Almaniya kansleri Fridrix Merz etiraf edib ki, Avropa hazırda dünya işlərində istədiyi rolu oynaya biləcək vəziyyətdə deyil. 

HİT.az xəbər verir ki, o, bu barədə özünün Xristian Demokratik Birlik Partiyasının "YouTube" kanalına müsahibəsində bildirib.

Merzin sözlərinə görə, hazırda Avropa ölkələri yenidən birləşməyə çalışır və Almaniya bunda regionun ən böyük ölkəsi kimi mühüm rol oynayır. Bununla belə, Avropanın müstəqil hərəkət etmək imkanı məhduddur. Nümunə olaraq, kansler Ukraynadakı münaqişəni göstərib ki, bu, onun fikrincə, avropalıların onlar üçün məqbul şərtlərlə onu bitirmək üçün kifayət qədər təsir rıçaqlarının olmadığını göstərir.

Merz qeyd edib ki, Avropa ABŞ-ın yardımından asılıdır, Çin, Braziliya və digər ölkələr isə Rusiya ilə münasibətlərdə özlərini sərbəst hiss edirlər. Kansler onu narahat edən Şanxay Əməkdaşlıq Təşkilatı (ŞƏT) formasında yeni tərəfdaşlığın yaranmasına da toxunub:

“Etiraf etməliyəm ki, biz avropalılar olaraq maraqlarımızı təmin etmək üçün oynamalı olduğumuz rolu indi oynaya bilmirik”.

Samir