Amerikanın "Tesla" şirkəti direktorlar şurası baş direktor İlon Maska yeni təzminat sxemi təklif edib. 

HİT.az “Financial Times”a istinadən xəbərverir ki, avtomobil istehsalçısının ABŞ Qiymətli Kağızlar və Birjalar Komissiyasına verdiyi açıqlamaya görə, iş adamı 1 trilyon dollar qazana bilər.

Qeyd olunur ki, plan on il üçün nəzərdə tutulub. Əgər onun şərtləri yerinə yetirilərsə, Musk Tesla səhmlərinin 25%-nə nəzarət edəcək.

Əsas şərt şirkətin bazar dəyərinin artmasıdır.

"2018-ci ildə Elondan şirkətin dəyərini milyardlarla dollar artırması tələb olunurdu. Bu il ondan trilyonlarla artım tələb olunur. O, səhmdarların bonus alması üçün 7,5 trilyon dollar əlavə dəyər yaratmalıdır", deyə sənəddə deyilir.

Şirkətin dəyərinin 1 trilyon dollardan bir qədər çox olduğunu nəzərə alsaq, məqsədə nail olunarsa, 2035-ci ilə qədər 8,5 trilyon dollara çata bilər. Sənəddə vurğulanır ki, Musk səhmlərin təxminən 12%-ni və ya 1 trilyon dollardan bir qədər çoxunu ala biləcək.

Samir