Pekin Rusiyanın “Qazprom” layihəsinə 2,6 min kilometrlik boruya investisiya qoymaqdan imtina edib.

HİT.az xəbər verir ki, bu barədə Ukrayna Xarici Kəşfiyyat Xidməti məlumat yayıb.

Kreml təxminən 20 ildir ki, "Qazprom"un Avropaya itirdiyi ixracatının təxminən beşdə birini kompensasiya edə biləcək yeni qaz kəməri üçün Çindən razılıq istəyir. Pekində keçirilən görüşdə tərəflər niyyət memorandumu ilə məhdudlaşıb - qaz təchizatı müqaviləsi hələ bağlanmayıb.

"Qazprom" 2,6 min kilometrlik boru layihəsini təkbaşına maliyyələşdirməli olacaq. Yekun qiymət hələ razılaşdırılmayıb: Çin daxili Rusiya tariflərinin səviyyəsində israr edir - min kubmetr üçün 120-130 dollar, Moskva isə "Sibirin gücü-1" kimi 265-285 dollar diapazonu təklif edir.

Tikinti 25 milyard dollar dəyərində qiymətləndirilir və əslində çinli istehlakçılara subsidiya verən “Qazprom”a maliyyə təzyiqini əhəmiyyətli dərəcədə artıracaq.

Kəşfiyyat məlumatlarına görə, Rusiya korporasiyasının qaz biznesi bu gün də gəlirsiz olaraq qalır. Ötən il onun itkiləri 11,6 milyard dollar təşkil edib, bu ilin birinci yarısında isə artıq 134 milyon dollara çatıb.

“Qazprom”un pul ehtiyatları artıq üçüncü ildir ki, azalır: 2022-ci ilin əvvəlindəki 33 milyard dollardan 2025-ci ilin iyununda 6,7 ​​milyard dollara qədər.

Memorandumun imzalanması xəbərindən sonra “Qazprom”un səhmləri kəskin ucuzlaşıb, kapitallaşması isə 1,24 milyard dollar azalıb.

Samir