Məşhur Maldiv kurortu inanılmaxan mənzərələr, firuzəyi su və tropik atmosfer vəd etsə də, Avropada da ona bənzər bir yer var və ora daha tez çatmaq olar. 

HİT.az xəbər verir ki, bu barədə "DailyMail" yazır.

Söhbət Polşanın Yavojno şəhərində yerləşən Qrodek parkından gedir. Əvvəllər bu park dolomit çıxarılan karxana idi, lakin indi bu, tez-tez Maldivlərlə müqayisə edilən mənzərəli yerdir.

"Onun 60 hektarı zəngin yaşıllıq, gözəl mənzərə və dörd su anbarında kristal təmiz su ilə fəxr edə bilər", deyə materialda qeyd olunur.

Həmçinin "Polşa Maldiv adaları"nın ziyarətçiləri orada pivə içə və suyun kənarında istirahət edə bilərlər. Bundan əlavə, turistlər Vıdra su anbarı üzərindəki mənzərəli piyada körpüsündə gəzintiyə çıxa bilərlər.

"Taxta körpü şəffaf suyun üzərində əyilir və bəzi yerlərdə bir az örtülüdür, buna görə də ziyarətçilər ayaqlarını firuzəyi gölə sala bilərlər", deyə "DailyMail" yazıb.

Bu yerin üstünlüyü ondan ibarətdir ki, parka giriş pulsuzdur. Lakin təhlükəsizlik səbəbi ilə parkda üzmək qadağandır.

"Bu ərazidə faydalı qazıntıların çıxarılması tarixi o deməkdir ki, suyun altında alətlər və qeyri-sabit torpaq ola bilər, bəzi yerlərdə də çox dərin olur", deyə nəşr izah edib.

Bir turist parkın çoxlu insanları cəlb etdiyini danışıb və əlavə edib ki, bu yer bazar günü gəzintisi üçün çox xoşdur.

"Asanlıqla çəmənlikdə, məsələn, Vıdra su anbarının kənarında uzanmaq olar. Həmçinin bu, velosiped sürmək üçün yaxşı yerdir. Bütün parkı gəzmək olar", deyə səyyah əlavə edib.

Samir