ABŞ təkid edir ki, İran öz nüvə proqramı üzərində işi tamamilə dayandırsın və uranın zənginləşdirilməsi üzrə bütün obyektlərini ləğv etsin. 

HİT.az-ın məlumatına görə, iqtisadiyyat naziri Kris Rayt qeyd edib ki, Vaşinqton Tehranın Beynəlxalq Atom Enerjisi Agentliyinə (MAQATE) münasibətdə şəffaflığın olmamasından çaşıb.

"Əgər bu kifayət qədər aydın deyilsə, mən bir daha ABŞ-ın İranla bağlı mövqeyini bəyan edəcəyəm. İranın bütün zənginləşdirmə və emal imkanları da daxil olmaqla, nüvə proqramı tamamilə aradan qaldırılmalıdır", deyə Rayt Vyanada MAQATE Baş Konfransının 69-cu müntəzəm sessiyasının plenar iclasında bildirib.

Sentyabrın 8-də Beynəlxalq Atom Enerjisi Agentliyinin (MAQATE) baş direktoru Rafael Qrossi bildirib ki, agentlik İrandan yüksək zənginləşdirilmiş uran ehtiyatlarının yerləşdirilməsi məsələsi ilə bağlı məlumat almayıb. Sentyabrın 2-də məlum olub ki, İran və MAQATE nümayəndələri İranın nüvə proqramı üzrə danışıqların iki raundundan sonra nəticə əldə etməyiblər.

Samir