Rusiyaya qarşı yeni Avropa sanksiyaları turizmə məhdudiyyətlər nəzərdə tutur.

HİT.az xəbər verir ki, bu barədə "EUObserver" yazıb.

"Rusiyada birbaşa turizmlə bağlı xidmətlərin göstərilməsi qadağan olunacaq", deyə nəşr qeyd edib.

Lakin bu sanksiyaların xüsusiyyətləri açıqlanmayıb.

Sentyabrın 22-də Fransanın xarici işlər naziri Jan-Noel Barrot Avropa İttifaqı və ABŞ arasında yeni anti-Rusiya sanksiyalar paketinin razılaşdırıldığını və yaxın günlərdə qəbul ediləcəyini açıqlayıb.

Sentyabrın 19-da Avropa Komissiyası 2027-ci ildən etibarən Rusiyanın LNG idxalına qadağa, müxtəlif idxal və ixrac tədbirləri, bank sektoruna qarşı sanksiyalar, bir sıra şəxslərə və təşkilatlara qarşı şəxsi sanksiyaları əhatə edəcəyi gözlənilən yeni məhdudiyyətlərlə bağlı təklifini təqdim edib.

Ukraynadakı hadisələrdən sonra Qərbin sanksiyalar təzyiqi güclənib. Bu, Avropa və ABŞ-da elektrik enerjisi, yanacaq və ərzaq qiymətlərinin artmasına səbəb olub. 2022-ci ilin fevralından Aİ Rusiyaya qarşı 18 sanksiya paketi tətbiq edib.

Samir