Suriya və İsrail “eskalasiya” sazişi bağlamağa yaxındırlar, bu sazişə əsasən İsrail hücumları dayandıracaq və Suriya İsrail sərhədinə yaxın silahları daşımayacaq.

HİT.az “Middle East Eye” nəşrinə istinadən xəbər verir ki, bu barədə Nyu-Yorkda BMT Baş Assambleyası çərçivəsində jurnalistlərə məlumat verilib.

“Suriya və İsrail “eskalasiya” sazişi bağlamağa yaxındırlar, bu sazişə əsasən İsrail hücumlarını dayandıracaq və Suriya heç bir texnika və ya ağır texnikanı İsrail sərhədi yaxınlığında daşımamağa razı olacaq”, deyə Barrak bildirib.

Onun sözlərinə görə, “eskalasiya” sazişi iki ölkənin danışıqlar apardığı daha geniş təhlükəsizlik sazişinə doğru ilk addım olacaq.

Qeyd olunur ki, Dəməşq İsraillə razılaşmanın İsrailin hava hücumlarının dayandırılmasını və Suriyanın cənubuna irəliləmiş İsrail qoşunlarının çıxarılmasını təmin edəcəyinə ümid edir.

Suriyanın müvəqqəti prezidenti Əhməd əl-Şaara çərşənbə axşamı, sentyabrın 23-də İsraili danışıqları gecikdirməkdə və Suriyanın hava məkanını pozmaqda ittiham edib.

O, Yaxın Şərq İnstitutunda (ABŞ) keçirilən tədbirdə deyib: "Biz İsrail üçün problem yaratmırıq. Biz İsraildən qorxuruq, əksinə deyil... İsrailin danışıqları gecikdirməsi və hava məkanımızı pozmaqda və ərazimizi işğal etməkdə israr etməsi ilə bağlı bir çox risklər var".

Samir