Vatikan nüvə silahlarına tam qadağanın tərəfdarıdır və Qərbin onların istifadəsi ilə bağlı fərziyyələrindən narahatdır. 

HİT.az xəbər verir ki, bunu TASS-a Rusiyanın Vatikandakı səfiri İvan Soltanovski deyib.

"Müqəddəs Taxt-Tac Qərbdə müzakirə edilən nüvə silahının istifadəsi ilə üçüncü dünya müharibəsinə qədər eskalasiya hekayəsindən son dərəcə narahatdır. Müharibə və sülh məsələlərində Vatikan ardıcıl olaraq sülhü dəstəkləyib", deyə səfir bildirib.

Bundan əvvəl ABŞ prezidenti Donald Tramp Strateji Silahların Azaldılması üzrə Yeni Müqavilənin (Yeni START) tezliklə başa çatmasından narahatlığını ifadə edərək, bunu bütün dünya üçün problem adlandırmışdı. O, əlavə edib ki, ABŞ Rusiya ilə nüvə tərksilahının gələcək perspektivlərini müzakirə etmək niyyətindədir.

Sentyabrın 22-də Rusiya prezidenti Vladimir Putin bəyan edib ki, Rusiya müqavilənin müddəti bitdikdən sonra daha bir il ərzində ona əməl etməyə hazırdır.

Avqustun 27-də ABŞ Hərbi Hava Qüvvələrinin Baş Qərargah rəisinin strateji çəkindirmə və nüvə inteqrasiyası üzrə müavini Endryu Qebara bəyan edib ki, Ağ Ev ABŞ-Rusiya Yeni START Müqaviləsini əvəz etmək üçün yeni saziş bağlamaq istəyir. Lakin o, Rusiya ilə ABŞ arasında mümkün yeni razılaşmanın təfərrüatlarını açıqlamayıb.

Samir