Avropanın raket istehsalçısı MBDA ABŞ-dan silah asılılığını azaltmaq üçün Almaniyada "Patriot" buraxılış sistemlərinin istehsalına başlamağa hazır olduğunu açıqlayıb.
HİT.az xəbər verir ki, MBDA-nın Almaniya bölməsinin idarəedici direktoru Tomas Qotçildin "Reuters"ə verdiyi məlumata görə, sifarişlərin həcmi müəyyən həddi keçərsə, şirkət Almaniyada yeni zavodda “Patriot” hava hücumundan müdafiə raketlərinin istehsalı üçün istehsal gücünü artırmağa da hazırdır.
2024-cü ildə Almaniya, Niderland və İspaniya Raytheon və MBDA arasında birgə müəssisədən 1000-ə qədər raket almaq üçün 5,1 milyard avro dəyərində müqavilə imzaladılar. Raketlər Almaniyanın cənubundakı Bavariyadakı yeni zavodda istehsal olunacaq.
"MBDA Deutschland" şirkətinin idarəedici direktoru deyib: "Biz qrafik üzrəyik. Biz 2026-cı ilin sonunda, ilk tədarüklərlə 2027-ci ilin əvvəlində istehsala başlamağı planlaşdırırıq".
O, təhlükəsizlik baxımından zavodun istehsal gücünü açıqlamayıb, lakin zavodun əlavə sifarişləri yerinə yetirə biləcəyini bildirib:
"Sifarişlər müəyyən həddi keçərsə, biz əlavə istehsal gücünə də investisiya qoymağa hazırıq".
Tomas Qotçildin bildirib ki, MBDA əvvəllər işəsalma qurğularına xidmət göstərmiş texniki təcrübəyə malikdir:
"Biz bunu edə bilərik. Bu, sadəcə olaraq Raytheon ilə bizim aramızda olan sənaye əməkdaşlığı və müştərimizin, Bundesverin və ya işəsalma qurğularını sifariş edən digər müştərilərin istəkləri məsələsidir".
O, həmçinin MBDA-nın 2000 km-dən çox mənzilli raketin hazırlanmasında iştirak edəcəyini qeyd edib. Layihə Böyük Britaniya və Almaniya tərəfindən may ayında elan edilmişdi, lakin inkişafın başlama vaxtı hələ məlum deyil.
"Vaxtdan asılı olmayaraq, daha konkret nəticələr əldə etmək üçün mümkün qədər tez başlamağımız vacibdir", deyə Tomas Qotçildin bildirib.
MBDA həmçinin aşağıdan uçan və yavaş uçan dronları vurmaq üçün daha yığcam raketlərin inkişafı ilə irəliləyir.
"İlin sonuna qədər Almaniya hökuməti ilə DefendAir raketinin inkişafı üçün müqavilə imzalayacağımıza ümid edirik", deyən Tomas Qotçildin Qotçild ilk tədarüklərin bir neçə ildən sonra gözlənildiyini bildirib.
Samir
