Ədliyyə Departamentinin yüksək rütbəli rəsmisi Aakaş Sinq amerikalı milyarder Corc Sorosun yaratdığı fondlar üçün araşdırma planının hazırlanmasını əmr edib. 

HİT.az xəbər verir ki, bu barədə “The New York Times” əlində olan sənədə istinadən məlumat yayıb. Sifariş Kaliforniya və Nyu York, həmçinin Vaşinqton D.C də daxil olmaqla bir neçə ştatın prokurorlarına göndərilib.

Ədliyyə Departamenti prokurorlardan cənab Sorosun təsis etdiyi Açıq Cəmiyyət Fondları ilə bağlı araşdırmalara başlamasını istəyir. Məktubda Aakash Singh Donald Trampın göstərişlərinə istinad edir və yanğından tutmuş terrorizmi dəstəkləməyə qədər bu cür araşdırmalara səbəb ola biləcək bir sıra konkret ittihamları qeyd edir. NYT-nin qeyd etdiyi kimi, ABŞ prezidentinin Ədliyyə Departamentinin işinə bu cür birbaşa müdaxiləsi müxtəlif qurumlar arasında formalaşmış qarşılıqlı fəaliyyət praktikasını pozur.

Corc Sorosun yaratdığı təşkilatların fəaliyyəti uzun müddətdir müxtəlif ölkələrdə sağçı mühafizəkar siyasətçilərin qəzəbinə səbəb olub. Donald Tramp bundan əvvəl cənab Sorosun ABŞ-dakı “zorakı etirazları” dəstəklədiyinə görə məsuliyyətə cəlb edilməsini istəyib. Macarıstan prezidenti Viktor Orban və İsrail hökumətindəki ifrat sağçılar cənab Soros və ona bağlı təşkilatları kəskin tənqid ediblər.

Samir