Qırmızı dəniz Misirdəki Şarm-əl-Şeyx və Hurqada kimi qış kurortları ilə məşhurdur. Bu istiqamətlər adətən qışda günəşli isti havadan zövq almaq istəyənlərin sevimli məkanına çevrilir. Lakin Hurqadadan cəmi 30 dəqiqəlik məsafədə yerləşən, müstəqil və dəbdəbəli şəhərcik olan başqa bir kurort da var.

HİT.az xəbər verir ki, bu barədə "Express" yazır.

Söhbət müxtəlif əyləncə imkanları və geniş lüks otelləri ilə tanınan Əl-Quna kurortundan gedir.

Şəhərdə aktiv istirahət üçün də imkanlar mövcuddur. Məsələn, kitesurf həvəskarlarının ən çox üstünlük verdiyi yerlərdən biri olan məşhur "Mangroovy" çimərliyi buradadır.

Məqalədə qeyd edilir: "Əl-Quna təkcə möhtəşəm qızılı qumlu çimərlikləri ilə deyil, həm də inanılmaz mərcan rifləri və batmış gəmiləri ilə məşhurdur. Onların arasında ən tanınmışları 'Şaab-əl-Erq' və 'Kerləs Rif'dir ki, bunları snorkeling və dalış turları zamanı kəşf etmək olar".

Şəhər daxilində hərəkət maksimum 20 dəqiqə vaxt aparır. Yerli ənənələrlə yaxından tanış olmaq istəyənlərə isə tuq-tuqlardan istifadə etmələri tövsiyə olunur. Bu nəqliyyat vasitəsi gözlənilməz dayanacaqları daha asan və maraqlı edir.

Yemək və gecə həyatı üçün ən yaxşı məkanlar "Abu Tiq Marina" və şəhər mərkəzidir. Buradakı mağaza və restoranlarda hər kəs üçün seçim mövcuddur. Səhər saatlarında bu yerlər canlanır və müxtəlif mətbəxlərin təqdim edildiyi populyar məkanlara çevrilir. Onların sırasında yüksək reytinqə malik afrika restoranı "Bongoyo" və canlı latın-amerika restoranı "Camino" xüsusi vurğulanır.

Kurortdan həmçinin Luksora bir günlük tur sifariş etmək mümkündür. Bu səfər səhradan keçən yol ilə başlayır və qədim Misirin ən məşhur abidələrini görmək imkanı yaradır. Onların arasında nəhəng Karnak məbədi və Yeni Krallıq dövrünə aid padşahların dəfn olunduğu "Fir'onlar dərəsi" var.

Məqalədə əlavə olunur: "Luksorda gecələyən macəra həvəskarları günəşin doğuşu zamanı hava şarı ilə səyahət edərək qədim məbədləri, o cümlədən möhtəşəm Hatşepsut məbədini görə bilərlər. Bu uçuş həmçinin Nil çayı boyunca yerləşən yaşıl əkin sahələri ilə ətrafdakı səhralar və dağlar arasındakı kəskin fərqi izləmək imkanı yaradır".

Samir