Amerikanın "Occidental Petroleum" neft şirkəti öz neft-kimya bölməsi olan "OxyChem"i satmaq üçün danışıqlar aparır.

HİT.az xəbər verir ki, "Financial Times" bu barədə adı açıqlanmayan mənbələrə istinadən yazıb.

FT-nin qeyd etdiyi kimi, təqribən 10 milyard dollar dəyərində olan müqavilə və "OxyChem"in "Occidental Petroleum"dan ayrılması dünyanın ən böyük müstəqil neft-kimya şirkətlərindən birini yaradacaq.

Son illərdə "Occidental Petroleum" hazırda təxminən 24 milyard dollar olan borcunu azaltmaq üçün aktivlərinin bir hissəsini artıq satıb. Bu arada, "OxyChem" son 12 ayda təxminən 5 milyard dollar gəlir əldə edib. Bütövlükdə "Occidental"ın bazar kapitallaşması hazırda təxminən 47 milyard dollardır. "OxyChem"i kimin ala biləcəyi hələ məlum deyil.

Samir