Amerikalı psixoloq Mark Trevers yoldaşınızın həqiqətən etibarlı olduğunun və ya sizi dəstəklədiyinin üç əlamətini göstərib.

HİT.az xəbər verir ki, o, "Forbes" jurnalı üçün yazdığı məqaləsində bunu izah edib: "Etibarlı olmaq, o deməkdir ki, ünsiyyət qurarkən yoldaşınızda qorxu, şübhə və ya qeyri-müəyyənlik üçün yer qalmasın, əvəzində münasibətlərdə təhlükəsizlik, sakitlik və əminlik hissi yaransın".

Onun sözlərinə görə, bütün bunlar üçün zəruri olan dəstək həm emosional, həm də rasional səviyyədə özünü göstərir: o, ağlınız dəfələrlə ən pis ssenarilər təqdim etsə belə, hər şeyin yaxşı olacağına inanmağa kömək edir.

Və işdə onun göstərdiyi, yanınızda həqiqətən etibarlı bir insanın olduğunun üç əlaməti:

1. O, siz soruşmamışdan xəbərləri sizlə bölüşür. 2022-ci ildə Europe's Journal of Psychology jurnalı 110 cütlük üzərində iki həftə ərzində aparılan araşadırmanın nəticələrini dərc etdi. Alimlər müəyyən etdilər ki, narahatlıq yaradan bağlanma növünə malik insanlar özlərini təhlükəsiz hiss etmək üçün tez-tez öz əhəmiyyətlərinə dair təsdiq axtarırlar, halbuki qaçınan bağlanma növünə malik insanlar buna ehtiyac duysalar belə, bunu daha az tələb edirlər. Lakin etibarlı bir yoldaş sorğu gözləmir – özü vacib olan məlumatları çatdırır. Gecikibsə, zəngə cavab verə bilməyibsə və ya çətin bir gün keçirirsə, sizi qeyri-müəyyənlikdə qoymaz.

2. O, proqnozlaşdırıla bilən və diqqətlidir. Etibarlı bir yoldaş ardıcıl hərəkət edən şəxsdir. Sözlərin hərəkətlərlə üst-üstə düşdüyü yerdə inam daha sürətli qurulur. Münasibətlərdə təxmin edilməzlik olmadıqda, sabitlik və qorunmuşluq hissi yaranır. Aydındır ki, tamamilə proqnozlaşdırıla bilən münasibətlər olmur və yüksəlişlər və enişlər hər hansı bir cütlük üçün təbii bir hissədir. Lakin baş verənlərin şüurlu şəkildə qavranılması həyatı və əhval-ruhiyyəni əhəmiyyətli dərəcədə yaxşılaşdırır. Bəli, 2020-ci ildə Journal of Social and Personal Relationships jurnalında dərc olunan bir araşdırma göstərdi ki, "burada və indi" anına şüurlu və diqqətli olmağa meylli insanlar ayrı-ayrı pis günlərə görə münasibətləri daha az alçaldırdılar.

3. O, konfliktlər barədə açıq danışır. Etibarlı yoldaşlar həssasdırlar, bir şeyin səhv getdiyini hiss edirlər və mövzunu həssaslıqla gündəmə gətirirlər. Onlar həmçinin problem olmadığını iddia etmir, qarşıdurmalardan qaçmır və ya problemləri "xalçanın altına süpürmür", əvəzində onları münasibətləri pozmağa imkan vermədən, çətinlikləri açıq şəkildə müzakirə edirlər. 2025-ci ildə Behavioral Sciences jurnalında dərc olunan bir araşdırma sübut etdi ki, konfliktləri həll etməyin ən çox yayılmış və ən təsirli üsulu açıq müzakirə, kompromis axtarışı və yaxınlığı dərinləşdirməkdir. Problemlərdən qaçınmaq ən az effektiv strategiya olduğunu göstərdi.

Samir