ABŞ prezidenti Donald Tramp Şimali Koreya lideri Kim Çen Inla Şimali və Cənubi Koreya arasındakı hərbisizləşdirilmiş zonaya səfəri zamanı görüşə bilər. 

HİT.az xəbər verir ki, bu barədə Yaponiyanın “Nikkei Asia” jurnalı yazıb.

Nəşrin məlumatına görə, Amerika prezidenti əvvəlcə Malayziya, Yaponiya və Cənubi Koreyaya səfər edəcək.

“Nikkei Asia”nın məlumatına görə, Donald Tramp Malayziyanın paytaxtı Kuala-Lumpurda Hindistanın baş naziri Narendra Modi ilə görüşərək digər məsələlərlə yanaşı, Rusiya neftinin alışı məsələsini də müzakirə edəcək. Tokioda ABŞ prezidenti tezliklə seçiləcək Yaponiyanın yeni baş naziri ilə görüşəcək. Oktyabrın 31-dən noyabrın 1-dək APEC sammitinin keçiriləcəyi Cənubi Koreyada o, Çin prezidenti Si Szinpinlə görüşə bilər. CNN sentyabr ayında Ağ Evin Çin lideri ilə danışıqlara hazırlaşdığını bildirmişdi.

Donald Tramp ilk səlahiyyət müddətində Kim Çen In ilə üç dəfə görüşüb: 2019-cu ildə Sinqapurda, daha sonra Hanoyda və 2019-cu ildə Koreyalararası sərhəddəki Panmuncom kəndində. "Axios" ABŞ administrasiyasının Şimali Koreya ilə dialoqun bərpası variantlarını müzakirə etdiyini bildirib. Donald Trampın özü Şimali Koreya lideri ilə “nə vaxtsa” görüşəcəyini bildirib. Sentyabr ayında Kim Çen In ABŞ Şimali Koreyanın nüvəsizləşdirilməsi ilə bağlı absurd vəsvəsəsindən əl çəkərsə, Amerika tərəfi ilə əlaqə saxlamağı təklif etmişdi.

Samir