Polşanın xarici işlər naziri Radoslav Şikorski Almaniyanın keçmiş kansleri Angela Merkelin Varşavanı, eləcə də Litva və Latviyanı Rusiya Federasiyasının Ukraynaya qarşı genişmiqyaslı müharibəsinin başlamasında iştirakda ittiham etdiyi bəyanatına reaksiya verib.

HİT.az xəbər verir ki, bu barədə "Polsat News" yazıb.

Nəşr xatırladıb ki, Merkel son müsahibəsində 2021-ci ildə Fransa prezidenti Emmanuel Makronla birlikdə Avropa İttifaqı ilə Vladimir Putin arasında danışıqlar təşkil etmək istədiyini, lakin Baltikyanı ölkələr və Polşanın buna qarşı çıxdığını bildirib. Polşa xarici işlər nazirinin sözlərinə görə, bu, Almaniyanın keçmiş kanslerinin Mərkəzi Avropadan heç kimin “Şimal axını”na etiraz etməməsi barədə bəyanatı qədər “doğrudur”.

"Bu, tamamilə doğrudur. Görün, Almaniya hökuməti 2007-ci ildə dediyimə necə reaksiya verdi ki, bizim başımızın üstündə bağlanan müqavilələri bəyənmirik, ona görə də kansler öz hökumətinin etirazlarımıza necə reaksiya verdiyini unutmuş olmalıdır", deyə Sikorski Merkelin sözlərini şərh edərkən bildirib.

Qeyd olunur ki, Almaniyanın keçmiş kansleri həmin müsahibədə məhz Avropada Rusiyaya qarşı vahid siyasətin olmamasının Ukraynaya genişmiqyaslı müdaxiləyə səbəb ola biləcəyi fikrini ifadə edib.

Bundan əvvəl Almaniyanın keçmiş kansleri Angela Merkel Macarıstanın “Partizan” nəşrinə müsahibəsində bildirmişdi ki, Polşa və Baltikyanı ölkələr Rusiyanın Ukraynaya müdaxiləsinə görə birgə məsuliyyət daşıyırlar. O, əlavə edib ki, 2021-ci ildə o, Rusiya prezidenti Vladimir Putinlə birbaşa Aİ danışıqları üçün yeni format yaratmağa çalışıb, çünki etiraf etdiyi kimi, Putin artıq Minsk razılaşmalarını ciddi qəbul etmir.

Merkelin sözlərinə görə, Polşa, Litva, Latviya və Estoniya bu təşəbbüsə qarşı çıxıb.

"İstənilən halda belə olmadı. Sonra mən vəzifəmi tərk etdim və Putinin aqressiyası başladı", deyə Almaniyanın keçmiş kansleri deyib.

Samir