Su qızdırıcılarının istehsalında istifadə olunan metallar Avropa İttifaqının (Aİ) icazə verilən maddələr siyahısından çıxarıldığı üçün Avropa ölkələrinin sakinləri 2027-ci ildən isti su çatışmazlığı ilə üzləşə bilər.

HİT.az bu barədə "Financial Times"a istinadən xəbər verir. 

Sözügedən metallar hafnium və sirkoniumdur. Brüssel bu metalları içməli suya potensial mənfi təsir göstərdiyinə görə məişətdə istifadə üçün təhlükəli hesab edib və 2026-cı ildən sonra istifadəsini qadağan etməyi planlaşdırır. 

FT-nin qeyd etdiyi kimi, Avropa Komissiyası suyun su qızdırıcılarında da istifadə olunması faktını nəzərdən qaçırmış və istehsalçıların xəbərdarlıqlarına məhəl qoymamış ola bilər.

Nəşr yazır ki, hafnium və sirkoniumun alternativ materiallarına su qızdırıcılarında istifadə üçün uyğun olan polad və mis daxildir, lakin onlar dörd-beş dəfə bahadır. FT yazır ki, bu, son nəticədə istehlakçılara təsir edəcək istilik avadanlığının bahalaşmasına səbəb ola bilər.

Samir