Çin ABŞ dövlət katibi Marko Rubionun Pekinin ən böyük xristian icmalarından birindən onlarla keşişin Çin hakimiyyəti tərəfindən saxlanılması ilə bağlı bəyanatlarını onun daxili işlərinə müdaxilə adlandırıb. 

HİT.az "Bloomberg"ə istinadən xəbər verir ki, Çin Xarici İşlər Nazirliyinin sözçüsü Lin Jian deyib: 

"Çin hökuməti dini işləri qanuna uyğun idarə edir və vətəndaşların dini azadlıqlarını və normal dini fəaliyyətlərini qoruyur".

Rəsmi əlavə edib ki, Çin ABŞ-ın qondarma dini məsələlərlə bağlı Çinin daxili işlərinə müdaxiləsinə qəti şəkildə etiraz edir. Sion Protestant Kilsəsinin üzvlərinin saxlanması ilə bağlı jurnalistlərin birbaşa sualına cavab olaraq, sözçü onların nədən danışdıqlarını bilmədiyini deyib.

Sion Kilsəsi pastorlarının, o cümlədən Pekindəki bu böyük xristian icmasının lideri Jin Ezra Minzhinin saxlanılması xəbəri bir neçə gün əvvəl ortaya çıxdı. Həbslər barədə məlumat yayıldıqdan az sonra ABŞ dövlət katibi Marko Rubio Çini tənqid edib. "Bu təqib, Çin Kommunist Partiyasının onların inanclarına müdaxiləsini rədd edən xristianlara qarşı düşmənçiliyini nümayiş etdirir".

Samir