Ukrayna tərəfindən bu günə qədər Qara dəniz donanması Rusiya üçün bir növ büdcə uçurumu halına gətirilib: Kremlin ona böyük vəsait qoymağa məcbur olduğu halda gəmilərin funksionallığı raket zərbələri vurmaqla məhdudlaşıb. 

HİT.az xəbər verir ki, bu barədə Ukrayna Silahlı Qüvvələrinin Hərbi-Dəniz Qüvvələrinin (HDQ) sözçüsü Dmitro Pletençuk telemarafon efirində danışıb.

Onun sözlərinə görə, Rusiya Qara dəniz donanmasında 8 ədəd qanadlı raket daşıyıcısı var.

"Hazırda raketdaşıyıcılar böyük fəallıq göstərmirlər. Bundan başqa, hal-hazırda heç bir vahid dənizə çıxmır. Buna görə onların funksionallığı kifayət qədər məhduddur. Ukrayna Qara dəniz donanmasını büdcə uçurumu halına gətirib və Rusiya Federasiyası onu saxlamağa böyük vəsait sərf etməli olur.

O qeyd edib ki, tək aktiv komponent hələ də donanmanın tərkibinə daxil olan aviasiya hesab edilir:

“Bu o demək deyil ki, raketdaşıyıcıları hesaba almamaq olar. Əlbəttə, onlar dənizə raketlərdən istifadə edə bilərlər. Amma göründüyü kimi, müxtəlif səbəblərdən onların tərəfdən böyük fəallıq indi müşahidə olunmur".

Pletençuk əlavə edib ki, düşmən həmişə Ukrayna Silahlı Qüvvələrinə qarşı necə müqavimət göstərə biləcəyini axtarır, Ukrayna isə öz növbəsində düşmənə təsir göstərmək üçün yollar tapır. Hazırda Əməliyyat Qüvvələri Qara dəniz akvatoriyasının nəzarətində əsasən dəniz dronlarından və raket silahlarından istifadə edir. Aqressor da müvafiq olaraq onlardan qorunma yolları axtarır.

“Hazırda mövcud təhdidlər arasında ən başlıcası — aviasiyadır. Aviasiyadan əlavə düşmənin dənizdə dəniz dronlarından istifadə etməklə bağlı bizim təcrübəmizi mənimsəməyə çalışacağını başa düşmək lazımdır. Biz isə öz növbəmizdə bütün bu çağırışlara reaksiya verməliyik”, Pletençuk qeyd edib.

Samir