"Rusiyanın NATO ölkələrinin istənilən kvadrat metrinə hücumu halında, onlar dərhal Moskvaya zərbə endirməklə cavab verməlidirlər. Eyni zamanda, NATO-nun Moskvanı yer üzündən silmək üçün kifayət qədər vasitəsi var". 

HİT.az xəbər verir ki, Bunu Ukrayna Silahlı Qüvvələrinin ehtiyat polkovniki, pilot təlimatçı Roman Svitan "Radio NV"də bildirib.

Xüsusilə, ekspert Belçikanın müdafiə naziri Teo Frankenin Brüsselə hücum olarsa, Moskvanın yerlə bir ediləcəyi barədə açıqlamasına münasibət bildirib.

Svitan qeyd edib ki, NATO-nun arsenalında olan məhvetmə vasitələrinin eyni vaxtda atılması təkcə Moskvanı deyil, heç olmasa Rusiyanın Avropa hissəsini də məhv edə bilər. Nüvə silahlarından danışırıqsa, orada sadəcə nüvə səhrası olacaq. Əgər adi silahlardan istifadə olunarsa, həqiqətən də Moskva olmayacaq. Moskva sadəcə olaraq sırf adi silahlarla yer üzündən silinə bilər.

Onun fikrincə, Belçika müdafiə naziri belə bir ehtimalın mövcud olduğunu dəqiq bilir. Eyni zamanda, ekspert vurğulayıb ki, söhbət birinci salvada olan məhvetmə vasitələrindən gedir.

Svitan hesab edir ki, Alyans ölkələrinin belə bir reaksiyası təkcə Rusiyanın blokun paytaxtlarından birinə zərbə endirməsi halında deyil, həm də NATO ərazisinin istənilən kvadrat metrinə - Estoniyadan başlayaraq Kanadaya qədər - olmalıdır:

"Və bu, dərhal Moskvaya, qərar qəbuletmə mərkəzinə cavab zərbəsi olmalıdır. Rusiya ordusu üçün əsas qırğın silahlarının komponentlərini və yığımlarını istehsal edən, dizayn edən yüksək texnologiyalı hərbi obyektlərin əsas 30%-i Moskva və Moskva bölgəsində yerləşir. Bu mənada Moskva ən təmiz formada hərbi obyektdir. Buna görə də bu məsələ dərhal həll edilməlidir".

Samir