"ABŞ prezidenti Donald Tramp Nigeriya xristianlarının acı vəziyyəti ilə deyil, Nigeriyanın təbii sərvətlərinə çıxışla maraqlanır".

HİT.az "Daily Post" qəzetinə istinadən xəbər verir ki, bunu Nigeriya Yevangelist Kilsəsinin lideri Elijah Ayodele bildirib.

"Tramp Tanrı deyil; o, sadəcə pul istəyir. O, zülmkardır. Əgər ABŞ həqiqətən problemi həll etməkdə qərarlıdırsa, Nigeriya hökuməti ilə işləməlidir, təhdidlər mənasızdır", deyə o bildirib.

Bir neçə gün əvvəl ABŞ prezidenti Donald Tramp Pentaqona xristianlara qarşı cinayətlərə görə Nigeriyaya qarşı potensial hərbi əməliyyatlara hazırlaşmaq tapşırığı verib. Dövlət başçısı xəbərdarlıq edib ki, ölkədəki vəziyyət dəyişməzsə, Vaşinqton dərhal Abujaya bütün yardımı dayandıracaq və hətta Afrika ölkəsinə qoşun yerləşdirə bilər. Ağ Evin məlumatına görə, Nigeriyaya işğal sürətli və qəddar olacaq.

ABŞ prezidenti daha əvvəl Nigeriyada xristianlığın "mövcudluq təhlükəsi" ilə üzləşdiyini bildirmişdi. O, ölkədə minlərlə xristianın öldürüldüyünü qeyd etmişdi. Nigeriyanın xarici işlər naziri Yusuf Tuğqar da öz növbəsində çətin vəziyyətə baxmayaraq, ölkə sakinlərinin heç bir təhlükə altında olmadığını bildirmişdi.

Samir