Türkiyə İsrail Baş naziri Binyamin Netanyahu hökuməti ilə əlaqə qurmağı qeyri-mümkün hesab edir. 

HİT.az xəbər verir ki, Türkiyənin "Hürriyet" qəzetinin köşə yazarı Hande Fırat ABŞ-ın Ankaradakı səfiri və ABŞ prezidentinin Suriya üzrə xüsusi nümayəndəsi Tomas Barrakın Türkiyə ilə İsrail arasında yaxınlaşma ilə bağlı açıqlamasını şərh edərkən bildirib.

"Türkiyə ilə İsrail arasındakı münasibətlərdə gərginliyin dərəcəsini ətraflı təsvir etməyə ehtiyac yoxdur", deyə hökumət dairələrinə yaxın olan Fırat qeyd edib.

Jurnalist vurğulayıb ki, Türkiyə üçün müəyyənedici amillər potensial yeni İsrail hökumətinin ideologiyası və siyasəti olacaq.

1 noyabrda Tomas Barrak Türkiyə və İsrailin bir-birinə qarşı müharibəyə girməyəcəyini bildirib. O, gələcəkdə dünyanın Xəzərdən Aralıq dənizinə qədər ölkələr arasında yaxınlaşma görəcəyinə əminliyini ifadə edib.

Noyabrın 3-də Türkiyənin xarici işlər naziri Hakan Fidan İsraili Qəzza zolağında atəşkəsi sistematik şəkildə pozmaqda və bölgəyə humanitar yardım çatdırılmasına mane olmaqda günahlandırdı. Fidan hesab edir ki, yəhudi dövlətinə beynəlxalq təzyiq artırılmalı və təxminən 600 yük maşını və 50 yanacaq tankerinin girişi təmin edilməlidir.

Samir