ABŞ Venesuelaya qarşı təxminən 15 noyabrda, yəni "USS Gerald R. Ford" təyyarədaşıyan gəmisi Atlantik okeanını keçdikdə hərbi kampaniyaya başlaya bilər.

HİT.az bu barədə "Bloomberg"ə istinadən xəbər verir.

Məqalədə qeyd edildiyi kimi, ABŞ prezidenti Donald Tramp əsl planını gizli saxlayır. Lakin Venesuela prezidenti Nikolas Maduronun vaxtının bitib-bitmədiyi soruşulduqda, o, "bəli deyərdim" cavabını verib. Rejim dəyişikliyi getdikcə "əgər" yox, "nə vaxt" və "necə" sualına çevrilir.

"USS Gerald R. Ford" təyyarədaşıyan gəmisi çərşənbə axşamı Aralıq dənizini tərk edib, Atlantikə keçib. Onun səfəri yeddi-on gün çəkir, buna görə də hər hansı bir hərbi əməliyyatın bu ayın ikinci yarısına qədər baş verməsi ehtimalı azdır", yazan nəşr qeyd edib ki, buna görə də əsas pəncərə təxminən 15 noyabrdan Milad bayramına bir neçə gün qalmışa qədərdir.

"Bloomberg"in vurğuladığı kimi, Maduronun ABŞ-ın güc nümayişi nəticəsində istefa verib-verməyəcəyi sualına cavab hələ də aydın deyil.

Samir