Böyük Britaniya Leyboristlər Partiyası daxilində Baş nazir Kir Starmerə qarşı onu vəzifədən uzaqlaşdırmaq məqsədi daşıyan bir plan var. 

Hit.az xəbər verir ki, BBC bu barədə Baş nazirə yaxın mənbələrə istinadən məlumat yayıb.

Bu mənbələrə görə, partiya daxili planda iştirak edən Leyborist millət vəkilləri səhiyyə naziri Ues Stritinqi və daxili işlər naziri Şabana Mahmoodu Starmerin yerinə potensial namizədlər kimi müzakirə edirlər.

BBC mənbələri iddia edir ki, Starmeri vəzifədən uzaqlaşdırmaq cəhdi yaxın gələcəkdə baş verə bilər. Baş nazirin əleyhdarları 26 noyabrdan sonra, kanslerin İcmalar Palatasına büdcə müraciətini etdiyi və büdcə kəsiri ilə mübarizə aparmaq üçün vergi artımlarını elan etdiyi zaman daha da aktivləşə bilərlər.

BBC mənbələri inanır ki, intriqalar yalnız Leyboristlər Partiyasını xaosa salacaq, beynəlxalq bazarları qeyri-sabitləşdirəcək və Starmerin ABŞ prezidenti Donald Trampla qurduğu yaxşı münasibətləri təhlükəyə atacaq.

8 noyabrda "Daily Mail" qəzeti Starmerin etibarın itirilməsi səbəbindən 2026-cı ilin yayından əvvəl istefa verəcəyini bildirib.

Samir