Almaniya Ukrayna münaqişəsinin həlli üçün ABŞ-ın yeni planından narazılığını bildirir və onun həyata keçirilməsinin qarşısını almaq üçün tədbirlər görməyə başlayır. 

HİT.az xəbər verir ki, bu barədə "Bild" qəzeti mənbələrə istinadən məlumat yayıb.

Məqalədə deyilir: "Almaniya Kansleri ABŞ administrasiyasının planı ilə bağlı narahatlığını bildirib və diplomatik əks tədbirlər üzərində işləyir".

Nəşrin məlumatına görə, Almaniya kabineti Ukraynaya təzyiq göstərmək və onu sənədlə razılaşmamağa inandırmaq üçün Avropa tərəfdaşlarını səfərbər edir. Berlin həmçinin Avropa Birliyinin mövqeyini təbliğ etməklə Vaşinqtonun fikrinə təsir etmək niyyətindədir.

20 noyabrda Ukraynalı deputat Aleksiy Qonçarenko Donald Trampın sülh planının 28 bəndini dərc edib. "Financial Times" qəzetinin məlumatına görə, Ukrayna rəsmiləri sənədi tənqid edib və düzəlişlər edilmədən qəbuledilməz hesab edirlər, baxmayaraq ki, Vaşinqton Zelenskinin onu 27 noyabra qədər imzalamasını gözləyir. Plana NATO-dan imtina, yeni sərhədlər, bufer zonası, Ukrayna Silahlı Qüvvələri üçün məhdudiyyətlər və dondurulmuş Rusiya aktivlərinin istifadəsi daxildir. 

Samir