Hind okeanındakı heyrətamiz cənnət ada Maldiv qədər gözəl, lakin demək olar ki, turist olmayan bir yer kimi təsvir olunur. 

HİT.az xəbər verir ki, bu barədə "Daily Express" yazır.

Reyunyon adası Fransanın dənizaşırı ərazisi olub, Hind okeanındakı Maskaren adaları qrupuna daxildir.

Madaqaskarın şərqində yerləşən ada, "Business Insider" jurnalı tərəfindən dünyanın kənarda qalmış ən gözəl adalarından biri adlandırılıb. "HomeToGo" tətil evi kirayə saytı isə onu Hindistan sahilləri yaxınlığındakı arxipelaq olan "məşhur Maldivin fantastik alternativi" adlandırıb.

Qeyd olunur ki, ada əhalisi 873,000 nəfər olmaqla, rəsmi dili fransızca olmasına baxmayaraq, əsasən reyunyon kreol dilində danışır. Reyunyon qərbdə sönmüş vulkan olan Salazi dağı, şərqdə isə aktiv Piton-de-la-Furnez vulkanının yerləşdiyi Qran-Brül dağı tərəfindən formalaşdırılıb.

"muvTravel"in baş direktori Mişel Karam, Reyunyon adasını "planetdəki ən qeyri-adi cənnət adalarından biri" adlandırıb: "Ada öz vulkanik relyefi, tropik meşələri, mərcan rifləri və plyajları ilə tanınır".

Maraqlısı odur ki, Reyunyonda çoxlu sayda plyaj var: tez-tez onlar barbekü meydançaları, rahatlıqlar və dayanacaq yerləri ilə təchiz olunub. Bu yer piyada səyahət, velosiped sürmə, üzmə, şnorkellə üzmə, paraplençilik, raftinq, dalğıclıq, at minmə və balina müşahidəsi kimi fəal istirahət növləri üçün əla yerdir.

Ermitaj plyajı adanın ən böyük və ən yaxşı qorunmuş laqunudur və şnorkellə üzmək üçün məşhur yerdir. Bu ağ qumlu plyaj, kazuarina ağacları ilə əhatələnib və yerli sakinlər tez-tez bu ağacların altında piknik təşkil edirlər.

Qeyd olunur ki, Sen-Filipdəki Vye-Port, 2007-ci ildə lava axını nəticəsində əmələ gəlmiş və onu Yerdəki ən gənc plyajlardan birinə çevirən ən incə olivin kristallarından ibarət yaşıl qumlu bir plyajdır.

"Lakin adanın kənarındakı şəhərlər də diqqətə layiqdir: burada restoranlar, muzeylər və görməli yerlər var. Əhalinin yaşadığı ərazilərin çoxu adanın kənarında yerləşir və ölçüləri 100 km 60 km olan ölkənin mərkəzindən yalnız bir yol keçir", deyə məqalədə bildirilib.

Həmişə düyü ilə servis edilən ən geniş yayılmış yeməklər yerli Hindistan körfesi, ruqay (Rougail) və sivet (Civet) variantlarıdır.

Samir