Polşa Baş naziri Donald Tusk Almaniya hakimiyyətini İkinci Dünya Müharibəsi zamanı alman işğalının sağ qalan qurbanlarına təcili təzminat ödəməyə çağırıb.

Hit.az xəbər verir ki, o, bu açıqlamanı Almaniya kansleri Fridrix Merz ilə Berlində Almaniya-Polşa hökuməti məsləhətləşmələrindən sonra birgə mətbuat konfransında verib.

"Əgər həqiqətən bu jesti etmək istəyirsinizsə, tələsin", deyə Tusk vurğulayıb.

Tusk qeyd edib ki, ölkəsində nasistlərin əlindən əziyyət çəkən Polşa vətəndaşlarının sayı getdikcə azalır. 2024-cü ilin iyun ayında, keçmiş Almaniya kansleri Olaf Şolts polyaklara ödənişlər vəd etdiyi zaman, Polşada təxminən 60.000 alman işğalının sağ qalan qurbanı qalmışdı. İndi isə təxminən 50.000 nəfər var.

Eyni zamanda, Polşanın Baş naziri xəbərdarlıq edib ki, əgər Almaniya tezliklə kompensasiya ilə bağlı dəqiq bir açıqlama verməsə, Polşa bu ödənişləri özü maliyyələşdirməyə qərar verə bilər. 

Merz öz növbəsində bildirib ki, Almaniya Polşa qarşısında tarixi məsuliyyətini tam dərk edir və danışıqları davam etdirir. Lakin o, bu məsələ ilə bağlı hər hansı konkret açıqlama verməkdən imtina edib.

Samir