Almaniya Federal Cinayət Polisi İdarəsi (Bundeskriminalamt) miqrasiya kontekstində yeni cinayət qiymətləndirməsini dərc edib. 

HİT.az xəbər verir ki, hesabata görə, 2024-cü ildə suriyalılar və əfqanlar bir çox cinayət növündə almanlardan xeyli çox şübhəli olublar.

Bu fərq xüsusilə zorakı cinayətlərdə böyükdür: almanlar arasında hər 100.000 sakinə 163 şübhəli, əfqanlar arasında hər 100.000 sakinə 1722 şübhəli və suriyalılar arasında hər 100.000 sakinə 1740 şübhəli düşür ki, bu da on dəfədən çoxdur.

BILD-ə görə, istər fiziki, istər cinsi zorakılıq, istərsə də narkotiklə əlaqəli cinayət olsun, suriyalılar və əfqanlar demək olar ki, hər yerdə birinci yerdədirlər.

Daxili İşlər Naziri Aleksandr Dobrindt həyəcan verici məlumatlarla bağlı şərh verib:

"Almaniyaya inteqrasiya olmaq, burada işləmək, dolanışıq qazanmaq və qaydalarımıza hörmət etmək istəyənlər xoş qarşılanır. Lakin cəmiyyətimizdən uzaqlaşan, cinayətkar fəaliyyətlə məşğul olan və ictimai təhlükəsizliyə təhdid yaradanların Almaniyada qalmaq hüququ yoxdur. Buna görə də, cinayətkarları və təhlükə yaradan şəxsləri deportasiya etmək üçün Əfqanıstana və Suriyaya deportasiyalar hazırlayırıq".

Samir