Fransada elektrik enerjisinin qiyməti müvəqqəti olaraq sıfıra düşüb, çünki qeyri-adi isti hava istilik üçün elektrik enerjisinə tələbatı azaldıb və güclü küləklər külək elektrik stansiyaları tərəfindən elektrik enerjisi istehsalının həcmini artırıb. Gücün 85%-i ilə işləyən nüvə elektrik stansiyalarının istehsalı ilə birlikdə bu, şəbəkədə artıqlıq yaradıb.

HİT.az "Bloomberg"ə istinadən xəbər verir ki, Avropa elektrik birjası "Epex Spot"un məlumatlarına görə, 8 dekabrda Fransadakı istehlakçılar "günlük" bazarında müəyyən saatlarda elektrik enerjisini pulsuz ala biliblər.

Jurnalistlər əlavə edirlər ki, şərşənbə axşamı elektrik enerjisinin orta qiyməti noyabrın ortalarından bəri həftə içi ən aşağı səviyyəyə düşüb.

Bundan əlavə, 9 dekabrda Fransada elektrik enerjisinə olan pik tələbat bir həftə əvvəlki 69 gigavattdan 62-yə enib.

Jurnalistlər qeyd edirlər ki, Avropada bərpa olunan enerji istehsalının artması getdikcə şəbəkədə elektrik enerjisinin artıqlığına səbəb olur ki, bu da öz növbəsində, xüsusən də tələbatın aşağı olduğu dövrlərdə elektrik enerjisinin qiymətlərinin azalmasına səbəb olur.

Samir