Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaya Kallas Ukraynanı qoşunlarını Donbasın çıxarmamaq barədə xəbərdar edib, çünki digər bölgələr təhlükədə olacaq.

HİT.az xəbər verir ki, o, bu barədə Aİ xarici işlər nazirlərinin görüşündən əvvəl danışıb.

"Donbas Rusiya Prezidenti Vladimir Putinin son məqsədi deyil. Əgər onlar Donbası ələ keçirsələr, qala dağılacaq və sonra mütləq bütün Ukraynanı ələ keçirməyə davam edəcəklər. Əgər Ukrayna Donbasdan çıxsa, digər bölgələr də təhlükədə olacaq", deyə Kallas bildirib.

O, tarixin müəyyən dərslərini öyrənməyə çağırıb. "Davamlı sülh üçün Rusiyanın sakitləşdirilməsi olmamalıdır", deyə Avropa diplomatiyasının rəhbəri hesab edir.

Daha əvvəl Almaniyanın "Bild" tabloid qəzeti Ukraynanın sülh naminə "çoxsaylı güzəştlərə" getməyə hazır olduğunu, lakin Ukrayna Silahlı Qüvvələrinin Donbasdan çıxarılması Prezident Volodimir Zelenski üçün "qırmızı xətt" olaraq qaldığını bildirmişdi. Ukrayna lideri respublikanın NATO üzvlüyündən çıxmasını və qısa müddət ərzində seçkilərin keçirilməsini müzakirə etməyə hazırdır, lakin Donbasın Ukrayna tərəfindən idarə olunan hissəsindən qoşunları çıxarmaqdan imtina edir.

"Bild" adı çəkilməyən Ukrayna rəsmisinə istinadən bildirir ki, o, Kiyevin qoşunların çıxarılması təklifini qəbul etməyəcəyini, çünki bu, təslim olmağa bərabər olacağını bildirib.

Samir