İnsanlığın yadplanetli sivilizasiya ilə ilk təsdiqlənmiş təması çox güman ki, sülhsevər səfər və ya dialoq təşəbbüsü şəklində olmayacaq, əksinə qeyri-adi güclü və qısa müddətli bir siqnalla, həmin sivilizasiyanın böhranı və ya hətta məhvi ilə bağlı olacaq.

Hit.az xəbər verir i, bu qənaətə Kolumbiya Universitetinin astrofiziki Devid Kipping gəlib. İşin preprinti "arXiv" portalında dərc olunub.

Cool Worlds Lab laboratoriyasının rəhbəri Kippinq qeyd edib ki, astronomiya tarixi göstərir: ilk kəşf edilmiş obyektlər nadir hallarda öz siniflərinin tipik nümayəndəsi olurlar. Əksinə, onlar olduqca güclü müşahidə siqnalı ilə fərqlənir, bu da onları digər obyektlərdən seçir.

Məsələn, ilk ekzoplanetlər 1990-cı illərdə pulsarlarda aşkarlanmışdı — bu planetlərin çox yayılmış olması ilə deyil, onların pulsarın dəqiq “işarə” siqnalına təsirinin asanlıqla qeyd edilə bilməsi ilə bağlı idi. Eyni şəkildə, çıplak gözlə görünən ulduzların əhəmiyyətli hissəsi nəhənglərdir, halbuki kainatda ulduzların əksəriyyəti solğun qırmızı cırtdanlardır.

Buna bənzər olaraq Kipping fərz edir ki, yadplanet intellektindən gələn ilk siqnal da “tipik” olmayacaq — qeyri-adi güclü, kəskin və bəlkə də sivilizasiyanın keçid və ya qeyri-sabit mərhələsi ilə bağlı olacaq.

“Tarix göstərir ki, ilk aşkarlanan hadisələr adətən orta səviyyəli deyil, ekstremal hallardır", deyə tədqiqatçı bildirib.

Onun hipotezinə görə, güclü texnoloji siqnal, çöküş mərhələsində olan sivilizasiyanın yan təsiri ola bilər. Məsələn, iqlim dəyişiklikləri, atmosferin kimyəvi çirklənməsi və ya digər qlobal proseslər, dayanıqlığını itirən sivilizasiyanın bir növ “qışqırığı” kimi görünə bilər. Alternativ variant — yardım ümidiylə göndərilən məqsədli fəlakət siqnalı.

Bu kontekstdə Kippinq hətta məşhur 1977-ci il “Wow!” siqnalının qısa və güclü bir mesaj ola biləcəyini, sivilizasiyanın öz “esxatoloji” nöqtəsinə — yəni sona yaxınlaşdığı bir anına işarə edə biləcəyini irəli sürüb.

Müasir observatoriyalar, məsələn, tikilən Vera Rubin observatoriyası və Sloan Digital Sky Survey kimi layihələr, demək olar ki, fasiləsiz səma müşahidəsi aparır, bu da belə anomaliyaların aşkarlanmasını mümkün edir.

Müəllifə görə, yadplanet intellekti ilə ilk təmas populyar elmi-fantastik ssenarilərə oxşamayacaq — işğal, insanlığın xilas edilməsi və ya ekzotik eksperimentlər kimi. Çox güman ki, bu qısa, güclü və qəribə bir siqnal olacaq və istisna, qayda deyil.

“Astronomik kəşflərin tarixi göstərir ki, ilk aşkarlanan hadisələr adətən nadir və ekstremal hallardır və disproporision güclü siqnallarla müşayiət olunur,” deyə Kippinq yekunlaşdırıb.

Samir