İspaniyanın Kanar adalarında çoxları tərəfindən nəzərdən qaçırılan bir yer gizlənib. Kütləvi turizm səhnəsindən uzaq olan bu ada, sakit istirahət üçün ideal bir yer ola bilər. 

HİT.az xəbər verir ki, bunu "Daily Express" qəzeti yazır.

Qeyd olunur ki, Yerro Kanar adalarının ən kiçik ikinci adasıdır - bütün adada cəmi bir işıqfor var. Addada həm otantik mətbəx təqdim edən çox sayda restoran, həm də möhtəşəm mənzərələr açılır.

Ora çatmaq üçün əvvəlcə Tenerifeyə uçmaq, sonra Yerroya bərə ilə keçmək olar. Bu unudulmuş Kanar adası tez-tez turistlər tərəfindən məhəl qoyulmur, halbuki onların qonşu Tenerife və Lansasrotedə izdihamlarını görmək olar.

Yerro öz sərt gözəlliyi ilə tanınan, cəmi 11 000 əhalisi olan ən qərb Kanar adasıdır.

Maraqlıdır ki, təxminən 1,2 milyon il əvvəl Yerro adası, minilliklər boyu davam edən güclü sualtı vulkan püskürmələrindən sonra Atlantik okeanından yüksələrək formalaşıb və vəhşi relyef yaradıb.

Adanın ətrafında çoxlu balıq və skat yaşayan gözəl, təmiz sular yayılıb. Quru ərazidə isə ada öz qeyri-adi qaya formaları və dərin qara qumu ilə məşhurdur.

"Daily Mail" qəzetinin məlumat verdiyinə görə, bu "gizli" ada qış istirahəti üçün idealdır. Mütləq görülməsi tövsiyə olunan yerlərdən biri də Mirador-de-la-Penya baxış məntəqəsidir. Bu baxış məntəqəsi yuxarıdan panoramik mənzərələrə tamaşa etməyi sevən turistlər arasında məşhurdur. "Tripadvisor" istifadəçilərindən biri yazıb:

"Yerro adasının quş quşu uçuşu hündürlüyündən heyrətamiz mənzərələrinin ləzzətini çıxararaq bir fincan qəhvə içə biləcəyiniz yer".

Turistlərin az olmasına baxmayaraq, adada qışda temperatur təxminən 20°C olur.

Samir