Venesuela ABŞ-ın blokadası səbəbindən neft quyularını bağlamağa başlayıb. 

HİT.az "Bloomberg"ə istinadən xəbər verir ki, bu addım əməliyyat çətinlikləri və yüksək xərclər fonunda son çarədir.

Agentliyin mənbələrinə görə, dövlətə məxsus "Petroleos de Venezuela" (PDVSA) şirkəti 28 dekabrda Orinoko Neft Kəmərindəki quyuları bağlamağa başlayıb. Bu, dövlətə məxsus neft emalı zavodlarında saxlama tutumunun həddindən artıq dolması və xam neft ehtiyatlarının kəskin artması ilə əlaqədardır.

Azalmanın ölkənin ümumi neft hasilatının təxminən 15%-ni təşkil edəcəyi gözlənilir ki, bu da hazırda gündə 1,1 milyon bareldir. Agentliyin məlumatına görə, Çin Venesuela neftinin əsas alıcısı olaraq qalır.

23 dekabrda ABŞ prezidenti Donald Tramp həm beynəlxalq sularda saxlanılan Venesuela tankerlərindəki nefti, həm də gəmilərin özlərini müsadirə etmək niyyətində olduğunu açıqlayıb.

17 dekabrda Tramp Venesuelaya gedən və Venesueladan gələn bütün sanksiyalı neft tankerlərinin "tam və hərtərəfli blokadası" elan edib. O, Venesuela hökumətini Vaşinqtonun aktivlərinin "oğurlanması", "terrorizm, narkotik qaçaqmalçılığı və insan alveri"nə görə terror təşkilatı elan edib. Venesuela hökuməti Trampın bəyanatını rədd edərək, ölkənin bir daha heç bir imperiyanın müstəmləkəsi olmayacağını bildirib. 

Samir