Venesuela prezidenti Nikolas Maduronun həbsi də daxil olmaqla, ABŞ-ın Venesuelaya qarşı hərbi əməliyyatı narahatedici presedentdir.

HİT.az xəbər verir ki, bunu ABŞ-ın Azərbaycandakı keçmiş səfiri və amerikalı diplomat Metyu Brayza "RİA Novosti"yə verdiyi müsahibədə bildirib.

"Xarici liderin oğurlanması hətta ABŞ qanunlarının tətbiqi üçün belə edilsə belə, bu, çox narahatedici presedentdir. Neft və Venesuelanın bərpasına gəldikdə isə inanıram ki, bu, bu hekayədə ən vacib şey deyil", deyə o bildirib.

Brayza qeyd edib ki, ABŞ-ın Əfqanıstan və İraqda "dəhşətli tarixi" olub, orada rejimi devirib və sonra onun bərpası üçün məsuliyyəti öz üzərinə götürüb.

Onun sözlərinə görə, bu cəhdlər uğursuz olub və ABŞ prezidenti Donald Tramp əvvəllər artıq bunu etməyəcəyini demişdi, lakin indi Venesuelanın bərpası üçün məsuliyyəti öz üzərinə götürüb.

Diplomat hesab edir ki, ABŞ illərlə, hətta onilliklər ərzində bu vəzifədə ilişib qalacaq.

Yanvarın 3-də ABŞ qüvvələri Venesuelaya hava hücumları təşkil edib: Karakasda, Fort Tiuna hərbi bazasında və bir neçə başqa yerdə partlayışlar baş verib. ABŞ prezidenti əməliyyatı uğurlu adlandırıb, Nikolas Maduro və həyat yoldaşının ələ keçirildiyini elan edib.

Samir