ABŞ sanksiyalarına məruz qalan ən azı 16 neft tankeri, ABŞ xüsusi təyinatlı qüvvələrinin Prezident Nikolas Maduroyu ələ keçirməsindən sonra Venesuelaya qarşı dəniz blokadasını aşmağa çalışıb.

HİT.az xəbər verir ki, bu barədə "The New York Times" yazır.

Tankerlər əsl mövqelərini gizlədir və ya transponderlərini söndürürdülər. Bu fəaliyyətlər koordinasiyalı sınaqların göstəricisidir. 16 gəmidən 15-i həmçinin İran və Rusiya nefti daşımalarına görə ABŞ sanksiyaları altındadır.

Həftələrlə gəmilər peyk şəkillərində Venesuela limanlarında dayanan kimi görünürdü. Lakin Maduro ələ keçirildikdən sonra hamısı öz mövqelərindən yoxa çıxıb.

Dörd gəmi peyk vasitəsilə 30 mil məsafədə şərqə doğru hərəkət edərkən, saxta gəmilər adı və yalnış koordinatlar göstərərək izlənilib. Bu, “spoofing” adlanan standart aldadıcı taktika kimi tanınır.

Söhbət gedən dörd gəmi müvəqqəti hökumətin icazəsi olmadan limanı tərk edib. Qaçış cəhdi, ölkəni müvəqqəti idarə edən vitse-prezident Delsi Rodriqesin nəzarətinə qarşı erkən itaətsizlik aktı kimi qiymətləndirilə bilər. Digər 12 gəmi heç bir siqnal göndərmir və yeni şəkillərdə aşkar edilməyib.

Sanksiyaları aşmaq üçün istifadə olunan üsullar, “gözdən itən donanma” kimi tanınan qanunsuz tanker qrupunun istifadə etdiyi müasir hiylə arsenalının bir hissəsinə çevrilib. Bunlara yayım və gəminin gövdəsinə artıq istifadədən çıxmış adların yazılması, həmçinin gəmilərin mövqeyinin saxtalaşdırılması daxildir ki, sanki başqa yerdədirlər.

Məsələn, xam neftlə yüklənmiş Aquila II gəmisi Cape Balder adı ilə siqnal göndərib və koordinatlarını Baltik dənizində göstərib. Bertha Ekta təxəllüsü ilə Nigeriyada olduğunu göstərib. Veronica III DS Vector adını götürərək Nigeriya sahillərində olduğunu göstərmiş kimi görünüb.

Samir