İtaliya gələcək təhlükəsizlik zəmanətlərinin bir hissəsi olaraq Ukraynaya öz ordusunu göndərməyəcək. 

HİT.az xəbər verir ki, bu, "istəklilər koalisiyası"nın Parisdə keçirilən iclasından sonra İtaliya hökumətinin saytında verilən açıqlamada bildirilir.

Bəyanatda qeyd olunur ki, ölkənin Baş naziri Corcia Meloni İtaliyanın Ukraynanın təhlükəsizliyinə dəstəyini təsdiqləyib. Eyni zamanda, Meloni İtaliya hökumətinin zəmanət məsələsində mövqeyinin bir sıra sabit bəndlərini, xüsusən də İtaliya qoşunlarının yerdə yerləşdirilməsini istisna etməsini təkrarladı.

Bəyanatda deyilir: "Koalisiya ölkələrinin çoxmillətli qüvvələrdə iştirakının könüllü xarakteri və gələcək hücum halında Ukraynanı dəstəkləmək qərarları üçün konstitusiya prosedurlarına riayət edilməsi, qəbul edilmiş bəyanatda qeyd edildiyi kimi, İtaliyanın dəfələrlə təsdiqlədiyi prinsipləri əks etdirir".

Samir