Böyük Britaniya hökuməti fələstinli Əbu Zubeydanın oğurlanaraq Quantanamo körfəzinə aparılması və işgəncə verilməsində iştirakı ilə bağlı işi həll etmək üçün ona "xeyli məbləğ" ödəməyə razılaşıb.

HİT.az xəbər verir ki, bu barədə "The Guardian" qəzeti yazıb.

Əbu Zubeyda 2002-ci ildə Mərkəzi Kəşfiyyat İdarəsi (MKİ) tərəfindən saxlanılıb. ABŞ kəşfiyyat orqanları onun "Əl-Qaidə"nin yüksək rütbəli üzvü olduğunu iddia edib, lakin sonradan bu iddiaları geri götürüb. Məlum olub ki, Əbu Zubeyda terror təşkilatının üzvü deyil. Lakin o, təxminən 20 il Quantanamo körfəzində qalıb və heç bir ittiham irəli sürülməyib.

Fələstinli Britaniya hökumətinə qarşı iddia qaldırıb və iddia edir ki, MI5 və MI6 ona qarşı pis rəftar edildiyini bilsələr də, dindirmə suallarını MKİ-yə ötürüb.

"Böyük Britaniyanın müştərimizə işgəncə verilməsindəki roluna görə ödəniş etməsi simvolik və praktik baxımdan vacibdir. Razılaşma bir kompensasiya formasıdır və müştərimizin Mərkəzi Kəşfiyyat İdarəsinin əlində dözülməz əzablarının dolayı yolla etirafıdır və Böyük Britaniya buna şərait yaratmışdır", deyə keçmiş Quantanamo məhbusunun vəkili Helen Daffi bildirib. 

Samir