Səudiyyə Ərəbistanında 1941-ci ildə nəsli kəsilən əfsanəvi dəvə quşları xüsusi bir layihə ilə tarixi yuvalarına qayıdıb. Qaya rəsmlərində minillik izləri olan bu nəhəng canlıların təbiətə buraxılması ilə səhrə ekosistemində yeni dövr rəsmi şəkildə başlayıb.

Hit.az xəbər verir ki, təxminən bir əsr əvvəl səssizliyə bürünmüş nəhəng addımlar

Səudiyyə Ərəbistanı səhralarında təxminən bir əsr əvvəl səssizliyə bürünmüş nəhəng addımlar yenidən eşidilməyə başlayıb. Bir zamanlar bu torpaqların ayrılmaz bir hissəsi olan möhtəşəm dəvə quşları, genişmiqyaslı təbiətə qaytarma layihəsi ilə tarixi yuvalarına qayıdıb. Şahzadə Məhəmməd bin Salman Krallıq Qoruma Rezervinə buraxılan beş qırmızı boyunlu dəvə quşu səhrə ekosistemini əvvəlki tarazlığına qaytarmaq üçün kritik rol oynayır.

Əslində bu torpaqlara aid olan "Ərəb dəvə quşları" həddindən artıq ovlanma və yaşayış sahələrinin itirilməsi səbəbindən 1941-ci ildə tamamilə yox olmuşdu. Alimlər, bu itkini kompensasiya etmək məqsədilə genetik olaraq ən yaxın qohum sayılan qırmızı boyunlu dəvə quşlarını bölgəyə gətirdilər. "Ehtiyat növ" olaraq seçilən bu canlılar Ərəb yarımadasının sərt və quraq şəraitinə uyğunlaşmaqda yüksək bacarıqlıdır.

Boyları üç metrə çatır

Dünyada yaşayan ən böyük quş növü unvanına sahib olan bu canlılar nəhəng bədən quruluşları ilə diqqət çəkir. Boyları 2,8 metrə qədər uzanan və çəkisi 150 kiloqram olan qırmızı boyunlu dəvə quşları bölgə tarixində dərin izlər buraxıb. Hətta rezervin içindəki qumlu qayalarda minilliklər əvvəl dəvə quşu ov səhnələrinin təsvir olunduğu qaya rəsmləri mövcuddur. Uzaqdan baxanda dəvələri xatırladan siluetlərinə görə qədim dövrlərdə "dəvə quşları" adlandırılan bu canlılar indi müasir texnologiyanın yardımı ilə yenidən təbiətdə azad şəkildə dolaşırlar.

Təbiət qoruma sahəsinə buraxılan bu yeni sakinlər tək deyillər. Dəvə quşları əvvəllər bölgəyə qaytarılmış Ərəb oriksi, qum ceyranı və dağ ceyranı kimi növlərlə birlikdə yaşayacaq. Layihənin əsas məqsədi bölgədə əvvəllər mövcud olmuş 23 fərqli növü geri qaytarmaqdır. Mütəxəssislər böyük otlaq növlərinin geri dönməsinin səhrə torpaqlarını zənginləşdirdiyini və təbii dövranı bərpa etdiyini vurğulayır.

Səudiyyə Ərəbistanının quru səthinin yalnız 1%-ni əhatə etməsinə baxmayaraq, bu rezerv ölkədəki canlı növlərinin yarısından çoxuna ev sahibliyi edir. İçində 15 fərqli ekosistem olan bölgə, Yaxın Şərqin ən zəngin təbiət qoruma sahələrindən birinə çevrilib. Dəvə quşlarının gəlişi, bu nəhəng bərpa işinin yalnız 12-ci addımını təmsil edir və səhrənin əvvəlki möhtəşəmliyinə qayıtması üçün ümid verir.

Samir