Şimali Koreya Şimali Koreyanın ildə 10-20 nüvə başlığı istehsal etməsinə imkan verə biləcək sürətlə nüvə silahları istehsalı üçün nüvə materialları yaratmağa davam edir. Bu, Pxenyanın nüvə proqramını yavaşlatmaq niyyətində olmadığını göstərir.

HİT.az xəbər verir ki, "Bloomberg"in məlumatına görə, Cənubi Koreya prezidenti Li Ce Myon bunu Seulda keçirilən mətbuat konfransında bildirib.

"Nəticə etibarilə, Şimali Koreya rejimini qorumaq üçün lazım olan nüvə silahı sistemi ABŞ da daxil olmaqla bütün dünyanı təhdid edə biləcək bir silaha çevriləcək", deəy Li bildirib.

Cənubi Koreya prezidentinin qeyd etdiyi kimi, hətta indi də ildə 10-20 nüvə silahı istehsal etmək üçün kifayət qədər material yaradılır.

Keçən il vəzifəyə başlayandan bəri Li Ce Myen dəfələrlə Şimali Koreya ilə danışıqları bərpa etmək və dondurulmuş münasibətləri yumşaltmaq üçün səylər göstərib, lakin Kim Çen In rejimi bu təşəbbüsləri rədd edərək Cənubi Koreyanı ən böyük düşməni adlandırıb.

Kim Çen In ölkəsinin nüvə silahı proqramını sürətlə genişləndirəcəyinə söz verib və nüvəsizləşdirmə çağırışlarını rədd edib.

Keçən il Şimali Koreya lideri ABŞ-ın materik hissəsinə hücum etmək üçün hazırlanmış ən son qitələrarası ballistik raketi olan Hvason-20-ni nümayiş etdirib. Beləliklə, Kim Çen In nüvə arsenalını genişləndirmək və modernləşdirmək əzmində olduğunu bildirib.

Şimali Koreya lideri ABŞ prezidenti Donald Trampla yenidən görüşməyə hazır olduğunu bildirsə də (onlar Trampın ilk prezidentliyi dövründə üç dəfə görüşmüşdülər), Kim Vaşinqtonun nüvə silahsızlaşdırılması tələblərindən imtina etməli olduğunu və bunun istənilən danışıqlar üçün vacib şərt olduğunu iddia edir.

Eyni zamanda, Li Ce Myunq hesab edir ki, Tramp Koreya yarımadasında diplomatiyanın bərpasında əsas rol oynaya bilər.

Samir